حکام کے مطابق، اسلام آباد کے علاقے G-11 میں ڈسٹرکٹ اینڈ سیشن کورٹ کی عمارت کے باہر خودکش دھماکے میں 12 افراد ہلاک اور 36 زخمی ہو گئے۔
یہ واقعہ اس وقت پیش آیا جب دارالحکومت میں بین الاقوامی تقریبات منعقد کی جا رہی تھیں جن میں بین الپارلیمانی سپیکرز کانفرنس اور چھٹا مارگلہ ڈائیلاگ شامل تھا جبکہ راولپنڈی میں گرین شرٹس اور سری لنکا کے درمیان کرکٹ میچ بھی ہو رہا تھا۔
وزیر داخلہ محسن نقوی نے عدالت کے باہر میڈیا کو بریفنگ دیتے ہوئے کہا کہ 12 بج کر 39 منٹ پر ’’خودکش دھماکہ‘‘ ہوا۔
انہوں نے کہا کہ 12 افراد جاں بحق اور 27 زخمی ہوئے، زخمیوں کو طبی امداد فراہم کی جا رہی ہے، وزیراعظم شہباز شریف ذاتی طور پر ہسپتالوں سے رابطے میں ہیں۔
تاہم بعد ازاں پاکستان انسٹی ٹیوٹ آف میڈیکل سائنسز (PIMS) کے ترجمان ڈاکٹر مبشر ڈاہا نے کہا کہ “دھماکے میں 12 افراد شہید ہوئے ہیں”، جب کہ ایک بیان کے مطابق زخمیوں کی تعداد 36 ہو گئی ہے۔
ترجمان نے کہا کہ حملے کے بعد پمز میں ایمرجنسی نافذ کر دی گئی ہے اور زخمیوں کو طبی امداد دی جا رہی ہے۔ زخمیوں کی مدد کے لیے تمام وسائل بروئے کار لائے جا رہے ہیں۔
