گلگت بلتستان میں دیامر میں شدید برفباری کے باعث مکان پر ٹاور گرنے سے 4 افراد جاں بحق ہوگئے جب کہ بلوچستان میں ژوب میں بارش کے باعث چھت گرنے سے ایک شخص جاں بحق ہوگیا۔
پولیس نے بتایا کہ دیامر میں تانگیر وادی میں ایک رہائشی گھر کے قریب ایک “کلاک/آبزرویشن ٹاور” ایک مکان پر گر گیا، جس کے نتیجے میں ایک ہی خاندان کے چار افراد ہلاک اور دو دیگر افراد زخمی ہوئے۔
دیامر کے ڈپٹی کمشنر عطا الرحمان کاکڑ نے بتایا کہ تانگیر میں جمعرات کو شدید برف باری ہوئی جس کی وجہ سے یہ واقعہ پیش آیا۔
پولیس ذرائع کے مطابق امدادی کارروائی جاری رہنے سے ہلاکتوں میں اضافہ ہوسکتا ہے۔
شاہراہ قراقرم (KKH)، بلتستان روڈ، غذر شندور روڈ اور دیگر سڑکوں کو ٹریفک کے لیے کھول دیا گیا تھا، جب کہ استور، سکردو، گھانچے، غذر اور شگر سمیت خطے کے مختلف علاقوں میں رابطہ سڑکیں بند رہیں۔
سرد موسم کی وجہ سے گلگت بلتستان میں لوگوں کو مشکلات کا سامنا رہا، سڑکوں کی بندش اور بجلی کی قلت سے لوگوں کو مشکلات کا سامنا رہا۔
جی بی حکومت نے سیاحوں کے لیے ٹریول ایڈوائزری جاری کرتے ہوئے کہا کہ ہنزہ، نگر، غذر، استور، سکردو، شگر، گھانچے، کھرمنگ اور دیامر میں شدید برف باری ریکارڈ کی گئی ہے۔
دریں اثنا، پاکستان کے محکمہ موسمیات (پی ایم ڈی) نے تک ملک کے مختلف حصوں میں مزید بارش اور برفباری کی پیش گوئی کی ہے.
