پی سی بی چیلنج کپ میچ کے دوران بولر دل کا دورہ پڑنے سے چل بسا۔
پی سی بی کے ڈائریکٹر ڈومیسٹک کرکٹ عبداللہ خرم نیازی نے نوجوان کرکٹر کے انتقال پر گہرے دکھ کا اظہار کیا ہے۔
24 سالہ فاسٹ باؤلر، علیم خان بنوں میں پاکستان کرکٹ بورڈ (پی سی بی) کے چیلنج کپ کے میچ کے دوران دل کا دورہ پڑنے سے انتقال کر گئے۔
یہ واقعہ دو روزہ ڈومیسٹک میچ کے دوران پیش آیا جب فاسٹ بولر خان بولنگ کرتے ہوئے اچانک گر گئے۔ اسے قریبی اسپتال لے جایا گیا لیکن وہ جانبر نہ ہوسکا۔
امپائر انعام اللہ خان جو کہ میچ کی امپائرنگ کر رہے تھے نے کہا کہ علیم بولنگ کرتے ہوئے گر گئے، ہم نے فوری طور پر طبی امداد کے لیے فون کیا اور ہسپتال لے گئے لیکن افسوس کہ وہ زندہ نہیں بچ سکے۔
پی سی بی کے ڈائریکٹر ڈومیسٹک کرکٹ عبداللہ خرم نیازی نے نوجوان کرکٹر کے انتقال پر گہرے دکھ کا اظہار کیا ہے۔ انہوں نے کہا، “ہمیں خان کے انتقال سے بہت دکھ ہوا ہے۔
اس مشکل وقت میں ہم ان کے اہل خانہ سے دلی تعزیت کرتے ہیں۔” خاندانی ذرائع نے تصدیق کی کہ بنوں کے رہائشی خان کو سپرد خاک کر دیا گیا ہے۔
