کراچی میں گرج چمک کے ساتھ بارش کی پیشگوئی۔
محکمہ موسمیات نے خبردار کیا ہے کہ گرج چمک کے ساتھ آندھی کے جھونکے، اولے اور آسمانی بجلی کمزور ڈھانچے کو نقصان پہنچا سکتی ہے .
پاکستان کے محکمہ موسمیات (پی ایم ڈی) نے پیر کو کراچی میں گرج چمک کے ساتھ بارش کی پیش گوئی کی ہے، کیونکہ مغربی موسمی نظام شمالی اور وسطی علاقوں سے ملک کے جنوبی حصوں کی طرف بڑھ رہا ہے۔
پی ایم ڈی کے مطابق اتوار کے روز جامشورو، ٹنڈو محمد خان، بدین، ٹھٹھہ، شہداد کوٹ، حیدرآباد، مٹیاری، ٹنڈو الہ یار، میرپورخاص، سانگھڑ اور شہید بینظیر آباد سمیت کئی اضلاع میں گرج چمک کے ساتھ ہلکی بارش کا امکان ہے۔
گھوٹکی، سکھر، خیرپور، میرپورخاص اور ٹنڈو محمد خان کے مختلف علاقوں میں گرج چمک کے ساتھ بارش کی بھی پیش گوئی کی گئی ہے۔
عمرکوٹ، تھرپارکر، بدین، حیدرآباد، مٹیاری اور جامشورو کے اضلاع میں کل سے بارش کا امکان ہے جب کہ کراچی سمیت صوبے کے بیشتر علاقوں میں آج اور کل تیز ہوائیں چلنے کا امکان ہے۔
پیر 5 مئی کو کراچی میں گرج چمک کے ساتھ بارش کا بھی امکان ہے۔ محکمہ موسمیات نے خبردار کیا ہے کہ گرج چمک کے ساتھ آندھی کے جھونکے، اولے اور آسمانی بجلی کمزور ڈھانچے کو نقصان پہنچا سکتی ہے.
